Komisioni i Rithemelimit ka njoftuar se do të mbajë mbrëmjen e sotme një mbledhje në selinë e partisë Demokratike në orën 20:00. Kjo do të jetë hera e dytë brenda ditës ku anëtarët e komisionit do të futen brenda selisë së PD ku më herët u takuan me Enkelejd Alibeajn dhe Gazment Bardhin.
Në deklaratat e dhëna pas takimit, u duk qartë se nuk kishte një koordinim apo një dakordësi mes Berishës dhe Alibeajt, teksa ky i fundit vijoi të qëndronte fort ndaj kushtit se ish kryeministri nuk duhet të jetë pjesë e strukturave drejtuese të PD-së, me arsyetimin se nuk mund të kishin në krye një person të shpallur non-grata.
