Roma ka marrë një pikë të vështirë ndaj Sassuolos në kuadër të javës së 25-të në Sere A, pasi ndeshja përfundoi 2-2.
Giallorossët shkuan në pushimin e pjesës së parë me epërsi, mirëpo e dyta ishte një ferr i vërtetë për ta.
Ishte minuta e 45+1, kur Tammy Abraham shënoi nga penalltia, për rezultatin 1-0.
Mirëpo, me të filluar pjesa e dytë, Chris Smalling (47’), e futi topin në rrjetën e tij, për t’u barazuar shifrat në 1-1.
Për të rezultatin u përkujdes Hamed Junior Traore që shënoi për 2-1 në minutën e 73-të.
Në minutën e 78-të, Sassuolo mbeti me dhjetë lojtar, shkaku që Gian Marco Ferrari pranoi edhe kartonin e dytë të verdhë.
Djelmoshat e Jose Mourinhos e shfrytëzuan këtë epërsi numerike, duke pësuar shënuar golin e barazimit (2-2) me anë të Bryan Cristantes që realizoi në minutën e 90+4.
Mbrojtësi i Kombëtares shqiptare – Marash Kumbulla, kompletoi 90 minutat, duke treguar një paraqitje solide në repartin defanziv.
Ai u vlerësua me notën 6.6, nga ‘SofaScore’.
Pas javës së 25-të, Roma gjendet në vendin e shtatë me 40 pikë, gjashtë më pak se Juventusi që gjendet në vendin e katërt.
