Elbasan Rashani dhe Ermir Sahiti do të shkojnë të karikuar në grumbullimin me Kosovën, pasi kanë shënuar në ndeshjen e sotme. Të njëjtën gjë ka bërë edhe Bersant Celina në Angli, i cili për momentin e ka humbur vendin në përfaqësuesen dardane.
Rashani ka shënuar për Clermont në duelin e humbur me rezultatin 3-1, ndaj Lens. Sulmuesi anësor e çoi topin në rrjetë në minutën e nëntë, ndërsa më pas skuadra e tij pësoi tre gola dhe u mposht. Për Rashanin ky ishte goli i shtatë në Ligue 1.
Emir Sahiti kishte një derbi me Mersinajn dhe Tucin sot. Hajduk Split triumfoi 4-0 kundër Lokomotiva Zagreb dhe sulmuesi që ka luajtur për Shqipërinë dhe tani është pjesë e Kosovës, realizoi golin e fundit. Për të është goli i katërt këtë sezon në kampionatin kroat.
Bersant Celina është rikthyer te goli në League One në Angli. Mesfushori i Ipsich Town realizoi në minutën e 70-të për ekipin e tij, që në minutën e pestë shtesë pësoi gol nga Oxford Utd dhe pa t’i iknin dy pikë nga duart. Për Celinën ky është goli i gjashtë në kampionat këtë sezon. / oversport.tv
Foto: HNK Hajduk Split, Facebook