Qeveria polake thotë se mund të vendosë të mbyllë kufirin e saj prej 250 miljesh me Bjellorusinë nëse ka incidente serioze që përfshijnë grupin mercenar Wagner aty pranë.
Ministri i Brendshëm i Polonisë Mariusz Kaminski la të kuptohet se anëtarët e tjerë të NATO-s Lituania dhe Letonia gjithashtu do të mbyllnin kufijtë e tyre ndaj Bjellorusisë në atë rast.
“Nëse vendosim që kjo është përgjigja e duhur për momentin, do të çojmë në izolimin e plotë të Bjellorusisë”, tha zoti Kaminski.
Kjo është e fundit në një seri lëvizjesh nga Polonia, e cila ka qenë nervoze pasi Yevgeny Prigozhin – udhëheqësi i Wagner – u internua në Bjellorusi për shkak të udhëheqjes së një rebelimi jetëshkurtër kundër sundimit të Vladimir Putin me trupat e tij.
Prigozhin filloi stërvitjen e forcave speciale bjelloruse javën e kaluar, duke u zotuar ta bënte ushtrinë e Bjellorusisë “ushtrinë e dytë më të mirë në botë”.
Si përgjigje, Polonia tashmë ka vendosur të dërgojë më shumë se 1000 njësi ushtarake në lindje të saj, një lëvizje që presidenti rus Vladimir Putin e përdori për të akuzuar Poloninë se ka ambicie territoriale për ish-Bashkimin Sovjetik.
Top Channel
