Presidenti i klubit më të suksesshëm maroken të futbollit “Wydad Casablanca”, Said Naciri (45 vjeç), u arrestua si pjesë e një hetimi për trafikun e drogës. Presidenti i Kasablankës përballet me disa akuza, duke përfshirë “falsifikim të dokumenteve zyrtare, posedim dhe shpërndarje droge dhe përdorim të çeqeve të falsifikuara”, tha avokati i tij, i cili nuk donte të përdorej emri i tij.
Sipas mediave marokene, një hetues në Gjykatën e Apelit në Kasablanka akuzoi gjithashtu Nacirin, një anëtar i Partisë së Autenticitetit dhe Modernitetit, një parti liberale që merr pjesë në koalicionin qeveritar, për pastrim parash, pas rrëfimit të Malian El Hadj Ahmed Ben Brahim, një bos droge i dënuar për trafik droge në Marok, i cili akuzoi Nacirin për veprimtari kriminale.
Në total janë akuzuar 25 persona, prej të cilëve 21 janë aktualisht në paraburgim. Seanca e re parë gjyqësore është caktuar për 25 janar. “Wydad Casablanca” është klubi më i suksesshëm i futbollit në Marok. Ai fitoi 22 tituj kampion kombëtar, dhe tri herë ishte fitues i Ligës së Kampionëve të Afrikës, herën e fundit në vitin 2022, ndërsa sezonin e kaluar ishte nënkampion i kontinentit.
PANORAMASPORT.AL
