Berat Gjimshiti zhvilloi një tjetër paraqitje dinjitoze me fanellën e Atalantës, në duelin kundër Milanit në “San Siro”, që përfundoi në barazim 1-1.
Në fund të sfidës, kapiteni i Kombëtares, u vlerësua me notën 7.3 nga faqja e specializuar e statistikave “Sofa Score”, teksa arriti të kryente 20 pasime të sakta, spastroi 3 herë zonën zikaltër, si dhe bllokoi 2 gjuajtje të rrezikshme të milanistëve.
Gjithashtu shqiptari ndërpreu 2 aksione premtuese të Milanit si dhe fitoi 2 nga 4 duelet me kundërshtarët.
Gjimshiti së bashku me portierin Karneseki dhe futbollistin tjetër Holm ishin 3 nga futbollistët me notën më të lartë te Atalanta.
PANORAMASPORT.AL
