Kilian Mbape do të largohet nga PSG për shkak të premtimeve të dështuara të bëra nga presidenti i klubit Naser Al-Kelaifi. Kjo është arsyeja, sipas “L’Equipe”, që Mbape thuhet se u ka thënë parisienëve se do të largohet në verë pas skadimit të kontratës.
Presidenti nuk i mbajti premtimet e bëra Mbapes. Si rezultat, fituesi i Kupës së Botës 2018 do largohet këtë verë dhe Real Madridi duket se do ta marrë me kosto zero. Ylli francez megjithatë, tashmë e ka gdhendur emrin e tij në librat e historisë së parisienëve. 25-vjeçari është golashënuesi më i mirë i të gjitha kohërave të klubit.
Mbape ka shënuar 250 gola dhe ka dhënë 106 asiste në 297 paraqitje për gjigantët e Ligës 1 në të gjitha kompeticionet. Këtë sezon, pavarësisht pasigurisë që rrethon të ardhmen e tij, Mbape ka qenë fenomenal, duke realizuar 38 gola dhe duke dhënë tetë asiste në 37 ndeshje të luajtura në të gjitha kompeticionet.
PANORAMASPORT.AL
