Vlerësimi vjetor i kërcënimit global i Komunitetit të Inteligjencës së SHBA, i publikuar nga Zyra e Drejtorit të Inteligjencës Kombëtare të SHBA (ODNI), thotë se “Ballkani Perëndimor ka të ngjarë të përballet me një rrezik në rritje të dhunës së lokalizuar ndëretnike gjatë vitit 2024″.
Siç raportohet, raporti i SHBA-së thekson se “udhëheqësit nacionalistë ka të ngjarë të përkeqësojnë tensionin për shkak të avantazhit të tyre politik dhe aktorëve të jashtëm“, të cilët, thuhet, “mund të përpiqen të përdorin dallimet etnike për të rritur ose të mbrojnë ndikimin e tyre rajonal dhe të parandalojnë integrimin në rritje të Ballkanit në BE ose në institucionet euroatlantike”.
Në një përmbledhje të shkurtër të Ballkanit Perëndimor, kujtohet gjithashtu se “përplasjet mes nacionalistëve serbë dhe autoriteteve të Kosovës në vitin 2023 çuan në vdekje dhe lëndime, duke përfshirë lëndime të paqeruajtësve të NATO-s”.
Kërcënimet e Dodikut
Për më tepër, lideri serb i Bosnjës Milorad Dodik thuhet se po ndërmerr hapa provokues për të neutralizuar komunitetin ndërkombëtar në Bosnje dhe Hercegovinë dhe për të siguruar shkëputjen de facto për Republikën Srpska.
“Veprimet e tij mund të inkurajojnë udhëheqësit e popullatës boshnjake (boshnjake-myslimane) që të forcojnë kapacitetet e tyre për të mbrojtur interesat e tyre, të cilat përfundimisht mund të çojnë në konflikte të dhunshme në të cilat misionet paqeruajtëse mund të mposhten,” thuhet nw raport. /tesheshi.com/
