Ministri i Diasporës në Qeverinë e Maqedonisë së Veriut, Xhemail Çupi, i cili po qëndron për vizitë zyrtare disaditore në Shqipëri, ka takuar anëtarët e Komisionit qeveritar për pakicat kombëtare.
“Kryetarja e Komisionit, Konstantina Bezhani na informoi për punën dhe aktivitetet e Komisionit, i prezantoi nëntë anëtarët e tij, përfaqësues të pakicave, ndër të cilat edhe Marjana Felah Kostofski, nga pakica maqedonase, qëndron në publikimin e ministrit në Fejsbuk.
Shtohet se Bezani theksoi se Republika e Shqipërisë i kushton vëmendje të veçantë minoriteteve dhe mbështet aktivisht punën e Komisionit, i cili përpiqet në të ardhmen që pakicat kombëtare të kenë një përfaqësues në Kuvendin e Republikës së Shqipërisë.
“Shpreha kënaqësinë time që Republika e Shqipërisë, me punën dhe veprimtarinë e Komitetit, ka bërë progres të dukshëm në promovimin e të drejtave të pakicave kombëtare.
I falënderova për pritjen dhe propozova mbajtjen e takimit të përbashkët të Komisionit për pakicat kombëtare të Republikës së Shqipërisë me Agjencinë për ushtrimin e të drejtave të komuniteteve në Republikën e Maqedonisë, theksohet në publikimin.
Në takim ministri Çupi shoqërohej nga ambasadori Danço Markovski.
Më herët ai u takua me Vasil Sterjovskin, kryetar i Aleancës Maqedonase për Integrim Evropian (AMIE) dhe shoqatës “Sonce”, si dhe ish-deputet në Kuvendin e Shqipërisë.
