Barcelona dhe trajneri Xavi Hernandez në hall para el Clasicos së të enjtes ndaj Real Madrid sfidë e vlefshme për gjysmëfinalen e Kupës së Mbretit.
Katalanasit humbasin shërbimet e Robert Lewandowskit me polakun që do ta ketë të pamundur për të zbritur në Santiago Bernabeu për shkak të një mbingarkese muskulore.
34-vjeçari ndjeu shqetësime në ndeshjen e fundit të kampionatit me Almerian ndërsa sakrifikoi për të luajtur gjithë ndeshjen edhe për shkak se skuadra e tij ishte në disavantazh.
Por, pasojat duket se do të ndihen në sfidën e radhës ndaj Realit me trajnerin Xavi që do të duhet të eksperimentojë një formacion pas sulmuesin kryesor.
Nëpërmjet një komunikate, klubi i Barcelonës njoftoi problemin fizik të Lewandowskit, ndërsa nuk ka një datë konkrete për rikthimin e tij në fushë. Kohët e fundit, sulmuesi po kalonte një periudhë të vështirë në kampionat duke shënuar vetëm një gol në pesë ndeshjet e fundit ndërsa tashmë i duhet të kalojë edhe vështirësitë e radhës.
Kujtojmë se në ndeshjen me Realin në Kupë, Barcelona nuk mund të mbështetet as në shërbimet e Dembele dhe Pedri.
Top Channel
