Apple pritet të prezantojë MacBooks të fuqizuar nga proçesori i ri 3nm të TSMC në vitin 2024, jo këtë vit siç kanë sugjeruar disa raportime. Kjo është sipas një parashikimi të ri pesëvjeçar të dërgesave globale të laptopëve të publikuar nga DigiTimes.
Duke parashikuar një fund të trendit rënës dyvjeçar në tregun e laptopëve, raporti parashikon një rritje të dërgesave prej 4.7% në vitin 2024, të nxitura nga lehtësimi i inflacionit dhe prezantimi i produkteve të reja, duke përfshirë MacBook të rinj të fuqizuar nga proçesori M3.
Proçesori i cilësuar si M3 pritet gjerësisht të prodhohet nëpërmjet procesit 3nm të TSMC për përmirësime të performancës dhe efikasitetit të energjisë në krahasim me çipin aktual M2 me bazë 5nm, i cili debutoi në qershor 2022. Ai gjithashtu ka mundësi të ketë një GPU krejt të ri me hardware ray-tracing, i prezantuar për herë të parë në çipin A17 Pro të iPhone 15 Pro muajin e kaluar.
Analisti i Apple Ming-Chi Kuo tha se Apple nuk do të lançojë modele të reja MacBook me çipa të serisë M3 para fundit të këtij viti. Megjithatë, Kuo përjashtoi vetëm MacBooks të rinj, të cilët duket se e lënë të hapur mundësinë e një iMac të ri që mund të prezantohet këtë vit me M3. Modeli aktual që përmban çipin M1 ka dalë në shitje që para dy vitesh.
