Barcelona ka bërë gati një listë me 3 emrat potencialë për pasuesin e Ksavit tek stoli katalanas.
Siç raporton e përditshmja spanjolle “Mundo Deportivo”, klubi katalanas po merr masat që tani për një largim të mundshëm të Ksavit në verë. Kontrata e ish-mesfushorit skadon në verën e vitit 2025 dhe Barcelona akoma ka shpresa se ai do të qëndrojë deri në fund, por thuhet se klubi duhet të fitojë La Ligën ose Ligën e Kampionëve që të mund ta bind trajnerin.
Blaugranat që tani kanë piketuar 3 emra shumë të njohur që mund të jenë pasardhësit e tij të ardshëm. I pari është Luis Enrike. Trajneri që tani për tani po drejton PSG-në, në Francë, ka drejtuar në të kaluarën klubin katalanas, nga viti 2014 deri në 2017, duke fituar edhe një Champions League. Emrat e tjerë janë Hansi Flik dhe Rafael Markez. Ky i fundit trajnon moshat e Barcelonës dhe drejtuesit e klubit mendojnë që Markez mund të ketë të njëjtin rrugëtim me Guardiolën, ku erdhi nga moshat dhe arriti të fitojë gjithçka me klubin.
Ai udhëhoqi klubin drejtë titullit kampion sezonin e shkuar, por ky sezon ka qenë më i vështirë. Për momentin ndodhen 8 pikë larg Realit Madridit në kampionat dhe janë shortar me PSG në Ligën e Kampioneve.
PANORAMASPORT.AL
