Pekini ka paraljamëruar sot Australinë “të veprojë me kujdes” ose të përballet më “pasoja serioze”, pas akuzave ndaj Canberra për manovra të rrezikshme dhe avione spiune ne Detin e Kines Jugore.
“Kina nxit përsëri Australinë të respektojë sigurinë kombëtare të Kinës dhe të evitojë keqllogaritjet që mund të rezultojnë në pasja serioze”, tha zëdhënësi i Zhao Lijan.
Australia tha për incindetin në qiejt e Detit të Kines Jugore se kryen rregullisht fluturime mbikqyrjeje në rajon.
Pekini insiston se zona është nën dominimin e saj megjithse pretendimi është hedhur poshtë me një vendim të Hagës në 2016.
Qëndrimi i Kinës ka shtuar tensionet dhe me SHBA që lundrojnë e fluturojnë në zonë sipas parimit të lirisë së navigimit.
Ministri australian i mbrojtjes Richard Marles tha dje se një gjuajtës kinez J-16 zbuloi avionin australian të mbikqyrjes P-8 me manovra të rrezikshme ndaj ekuipazhit australian.
Por Pekini tha sot se “nuk do të lejojë kurrë që një vend tjetër të cënojë sovranitetin e Kinës, “me pretekstin e lirisë së navigimit”.
Incidenti vjen dy muaj pasi Australia akuzonte ushtrinë kineze se lëshuan rreze-lazer ushtarak ndaj avionëve në ujërat pranë Australisë, çka quanin “akt intimidimi”.
Zhao tha se ushtria e Kinës kryen operacionet e saj në mënyrë të “sigurtë, standarde e profesionale”.
Top Channel