Nuk ka rëndësi nëse humbasin çelësat, fluturimin apo nuk arrijnë të ndjekin një manual të thjeshtë, disa njerëz e dinë gjithmonë hapin e radhës që duhet të marrin.
Zgjidhja e problemeve të tyre apo të miqve është shumë e thjeshtë për ta sepse duket sikur natyra i ka pajisur me të gjitha aftësitë për t’i mposhtur pengesat. Kjo mund të jetë rezultat i ndikimit të planetit që udhëheq shenjën e tyre.
Këto shenja mendojnë shpejt, janë të vendosura dhe nuk kanë frikë të dështojnë. Një tjetër gjë që i ndihmon është aftësia për të lënë mënjanë krenarinë dhe të kërkojnë ndihmë nëse shohin se nuk po gjejnë rrugëdalje. Disa shenja janë kurioze dhe mund të mësojnë truke të vogla përgjatë jetës. Ndoshta nuk e dinë pse po kërkojnë mënyra për të rregulluar një tualet, por e dinë që në të ardhmen do t’u shërbejë. Këto janë arsyet pse këto tre shenja mund t’i zgjidhin problemet menjëherë.
Virgjëresha
Virgjëresha njihen për mendjen e tyre prej dedektivi dhe detajizmin ndaj janë një “makinë llogaritëse” në trajtë njeriu. si shenjë toke, janë shumë praktike. Një Virgjëreshë do të dijë si ta montojë mobilien me të cilën keni orë të tëra që rraskapiteni apo do zbërthejë celularin tuaj brenda pak minutash. Nuk ka asgjë që nuk e kuptojnë menjëherë dhe e dinë se kë duhet të telefojnë për të marrë ndihmën që iu nevojtet. Falë Mërkurit që i drejton, mjafton të tërheqin disa fije dhe problemi zgjidhet. Kanë një rrjet të tërë personash me të cilët mund të kontaktojnë dhe t’i japin fund asaj që po i mundon.
Akrepi
Të drejtuar nga Marsi dhe Plutoni, të lindurit e shenjës së Akrepit janë aventurierët e patrembur që do preferonin më mirë të notonin me piranjat se sa të tërhiqeshin nga sfida. Nëse i thua një Akrepi se nuk mund ta zgjidhë problemin, ka 100 herë më shumë gjasa që ta bëjë. Nuk ka rëndësi sa e madhe është çështja, Akrepi do ruajë qetësinë dhe do ta zgjidhë sa më shpejt të jetë e mundur. Të lindurit e kësaj shenje janë shumë të aftë për t’u marrë me problemet ndërpersonale si zënkat familjare apo shoqërore. Një Akrep do të përdorë shqisat dhe intuitën emocionale për të hyrë në thellësi të çështjes, të zbulojë problemin dhe të gjejë mënyrën e përsosur për ta rregulluar.
Ujori
Ujori i komanduar nga Saturni dhe Urani është Pikasoja i zodiakut. Teksa të gjithë mendojnë brenda kornizave, Ujori përpiqet të gjejë si t’i kthejë ato në një raketë.
Kur gjërat nuk shkojnë mirë, Ujori është shenja e ajrit që qëndron e qetë, mendon hapin e radhës dhe më pas hidhet në aksion. Nuk kanë frikë nga dështimi dhe kjo është e nevojshme kur bëhet fjalë për të zgjidhur probleme. Të lindurit nën këtë shenjë nuk kanë ndrojtje për t’i ndarë gjërat që të shohin si funksionojnë dhe as për të kërkuar ndihmë. Ujori simbolizon miqësinë dhe komunitetit kështu që është i aftë për të krijuar ekipin e përsosur që të zgjidhë situatat./tvklan.al
