Eurodeputeti gjerman, Reinhard Butikofer ka reaguar pasi ekipi i Serbisë në tenis me në krye nacionalistin, Novak Gjokoviq hyrën në “Davis Cup” me këngë nacionaliste serbe për Kosovën.
Butikofer me anë të një postimi në platformën “X” ka qenë i ashpër ndaj këtij skandali të madh, përcjell lajmi.net.
“Jo nuk duhet ta marrim seriozisht propagandën ultranacionaliste serbe. Po, sanksionimi i Kosovës dhe qetësimi i Serbisë është një strategji madhështore. – Apo mos është e gjitha kjo ndoshta e gabuar?” – ka shkruar Butikofer.
No, we must not take Serbian ultra-nationalist propaganda seriously. Yes, we can trust Vučić. Yes, sanctioning Kosovo and appeasing Serbia is a grandiose strategy. – Or is all that possibly wrong? https://t.co/ZCO1BiCApi
— Reinhard Bütikofer (@bueti) November 23, 2023
Kënga nacionaliste serbe titullohet “Gëzo popull serb”, ku ndër tjerash thotë “le të valojë flamuri serb nga Prizreni deri në Rumi”.
Kjo nuk është hera e parë që Gjokoviq është pjesë e skandalave ku bëhet fjalë Kosova, shtet të cilin ai dhe shteti prej nga vjen nuk e njeh.
Ai njihet për qëndrimet e tij nacionaliste kundër Kosovës.
Duhet theksuar fakti se Gjokoviq u bëri homazhe terroristëve serbë që vranë policin hero të Kosovës, Afrim Bunjakun, më 24 shtator në fshatin Banjskë të Zveçanit./Lajmi.net/
