Departamenti amerikan i drejtësisë do të hetojë vdekjen e një adoleshenti në Uashington DC, i cili u qëllua nga një oficer policie i ulur pas tij në një makinë.
Dalaneo Martin, 17 vjeç, ishte në gjumë në një SUV të parkuar, të vjedhur kur oficerët hapën derën më 18 mars, thotë policia.
Pamjet e kamerës tregojnë policinë duke hyrë fshehurazi në automjet për të arrestuar. I dyshuari, largohet me shpejtësi. Pasi i thotë të ndalojë, oficeri hap zjarr ndaj adoleshentit nga pas.
“Humbja e një jete është gjithmonë tragjike, por është veçanërisht e trishtueshme kur përfshin një fëmijë,” tha departamenti i drejtësisë në një njoftim për shtyp të mërkurën, duke njoftuar hetimin për të drejtat civile.
Departamenti e quajti shqetësuese dhe i shprehu ngushëllime familjes dhe miqve të adoleshentit. Ai u qëllua nga një oficer gjatë një hetimi me Policinë e Metrosë në Uashington DC.
Pamjet e publikuara tregojnë oficerët e policisë duke diskutuar se si të arrestojnë të dyshuarin teksa ai po flinte në një makinë me një motor të ndezur.
Një oficer policie i Uashingtonit mund të dëgjohet në video duke këshilluar Policinë e Parkut: Ju lutemi mos u kapni brenda automjetit.
Pamjet tregojnë adoleshentin duke u larguar nga polici i cili qëndronte në sedijen e pasme.
“Stop. Ndal ose do të qëlloj!” thotë polici disa sekonda para se të qëllojë disa herë.
Makina përplaset në një shtëpi disa sekonda më vonë dhe policia shihet duke i dhënë ndihmë mjekësore adoleshentit në një lëndinë përpara. Oficerët thonë se një armë u gjet në makinë.
Kryetari i Sindikatës së Policisë së Parkut në SHBA ka mbrojtur oficerin.
“Ka një arsye të ligjshme që ai të jetë në makinë, përdorimi i forcës ishte i justifikuar dhe sindikata qëndron pas veprimeve që ndërmorën oficerët,” tha Kenneth Spencer për Washington Post.
Nëna e adoleshentit thotë se kërkon që oficeri që ka qëlluar të shkarkohet dhe të ndiqet penalisht.
Top Channel
