Mauricio Poçetino thotë se VAR po dëmton futbollin anglez me vendime si ai që i mohoi Çelsit një fitore me përmbysje ndaj Aston Vilës. Miqtë luftuan dhe pavarësisht disavantazhit 2-0 në pjesën e parë, po festonin në mënyrë të çmendur kur menduan se Aksel Disasi kishte siguruar golin e fitores në kohën shtesë.
Megjithatë, VAR-i vuri re një shtyrje të Diego Karlosit nga Benua Badiashilit gjatë aksionit të golit dhe kjo ishte e mjaftueshme që gjyqtari kryesor Kreig Pousën të anulonte golin. Dhe skuadra e Unai Emerisë që ndjek një vend në Ligën e Kampioneve, arriti të shmangë humbjen në “Stamford Bridge” dhe mbetur në pozicionin për të luftuar për vendin e katërt. “Ne duhet t’ia shpjegojmë këtë njerëzve”, tha Poçetino pas ndeshjes të shtunën. “Nuk dua të flas keq për arbitrin, por është e pabesueshme, është qesharake. Është vërtet e dhimbshme pasi ka dëmtuar futbollin anglez, imazhin, madje edhe lojtarët e Aston Vilës dhe tifozët që nuk e kuptuan pse.
Ai (arbitri) tha se ishte një faull dhe nëse e shihni ndërhyrjen, është një dyluftim. Por nëse çdo dyluftim si ky është faull, atëherë ne nuk do të përfundojmë me 11 lojtarë në asnjë ndeshje”, shtoi tekniku argjentinas në konferencën për shtyp, skuadra e të cilit mbetet në mesin e klasifikimit, me 48 pikë pas 33 javësh.
PANORAMASPORT.AL
