Agon Misini, personi që u raportua i zhdukur dy ditë më parë, është gjetur, ka njoftuar Policia e Kosovës.
“Me datë 02.06. 2023, rreth orës 22:30 policia e stacionit në Shtime kishte pranuar një informacion për një rast të një personi të zhdukur nga Shtimja.
“Bëhej fjalë për personinm AGON HYSEN MISINI i lindur me 12.12.1999, me banim në rrugën ‘Tahir Sinani’ komuna Shtime”.
“Që nga dita e raportimit, ekipet e policisë në bashkëpunim të ngushtë me familjarët e tij, banorë të zonës, Shoqatën e Kosovës për Kërkim dhe Shpëtim ishin në kërkim të personit të zhdukur”.
Misini është gjetur në rajonin e Shtimes sot rreth orës 14:50 nga Shoqata e Kosovës për Kërkim dhe Shpëtim.
“Ndërsa, sot rreth orës 14:50, i njëjti është gjetur nga Shoqata e Kosovës për Kërkim dhe Shpëtim në rajonin Shtimes, e më pas nga policia fillimisht është dërguar në Qendrën e Mjekësisë Familjare në Shtime, e më pas është dërguar në Qendrën Emergjente në Ferizaj dhe sipas mjekësve gjendja e tij shëndetësore është e mirë”.
“Për të gjitha veprimet është njoftuar prokurori i rastit nga Prokuroria Themelore në Ferizaj”.
“Drejtoria Rajonale Policisë në Ferizaj i falenderon qytetarët për angazhimin, ekipet e policisë nga stacioni i Shtimes, Sektorin Rajonal të Hetimeve, Njësinë e Reagimit të Shpejtë, e në veçanti Shoqatën e Kosovës për Kërkim dhe Shpëtim, të cilët gjetën personin e zhdukur”.
