LONDËR, 31 mars /ATSH-DPA/ – Gjysma e britanikëve kanë menduar të largohen nga MB për mundësi më të mira pune jashtë vendit, sugjeron një studim i ri.
Një sondazh me mbi 2 000 persona nga kompania e vëzhgimit ”Prograd” zbuloi se dy në pesë nuk mendojnë se MB është një vend tërheqës për të rinjtë që të jetojnë.
Katër nga pesë fajësuan koston e jetesës, ndërsa shumë të anketuar të tjerë theksuan papërballueshmërinë e strehimit, pagën e ulët dhe taksat e larta.
Një në tre tha se ekonomia e bënte të vështirë kursimin ose mendonte se do të paguheshin më shumë për punën e tyre jashtë vendit.
Kanadaja u tha të ishte destinacioni më popullor i ndjekur nga Emiratet e Bashkuara Arabe, Spanja dhe SHBA.
Marco Logiudice, bashkëthemelues i ”Prograd”-it tha se “Mbretëria e Bashkuar, dikur një nga ekonomitë më të mira në botë, po bëhet shpejt një vend jotërheqës për njerëzit që të ndërtojnë një jetë për veten e tyre”.
“Meqenëse kostoja e jetesës mbetet e lartë dhe inflacioni është i ngadalshëm në rënie, është e qartë se britanikët po përpiqen të vazhdojnë financiarisht. Ndërsa shkojmë më tej në vitin 2024, do të jetë interesante të shihet se si qeveria vazhdon të mbajë punëtorët kryesorë dhe të ndihmojë të rinjtë të lulëzojnë financiarisht”, tha ai.
“Nëse nuk e bëjnë, mund të jetë një e ardhme e vështirë për Mbretërinë e Bashkuar pasi më shumë njerëz lëvizin jashtë vendit në kërkim të një jete më të mirë”, theksoi Logiudice./ a.jor.
