GAZA, 23 nëntor /ATSH-DPA/ – Një armëpushim i përkohshëm i rënë dakord nga Izraeli dhe Hamasi pritet të fillojë në orën 7 të mëngjesit të premten.
Zëdhënësi i Ministrisë së Jashtme të Katarit, Majid al-Ansari tha se ”grupi i parë i 13 pengjeve civilë të mbajtur në Gaza do të lirohet në orën 16:00 të premten”.
Të 13 janë gra dhe fëmijë. Ato do t’i dorëzohen Kryqit të Kuq.
“Ne shpresojmë që ky armëpushim humanitar do të nisë më shumë punë drejt një armëpushimi të përhershëm”, tha al-Ansari në një konferencë shtypi në Doha.
”Armëpushimi do të zgjasë katër ditë dhe mund të zgjatet”, theksoi ai. /os/
