BUDAPEST, 13 korrik /ATSH-DPA/ – Pesë shtete anëtare të Evropës Qendrore i kërkuan sot Bashkimit Evropian që t’i japë statusin kandidat Bosnje-Hercegovinës.
”Bëhet fjalë për një sinjal nga qeveritë tona se Ballkani Perëndimor është i rëndësishëm për BE-në”, tha në Budapest ministri i Jashtëm austriak, Alexander Schallenberg.
Ministrat e jashtëm të të ashtuquajturit C5 – Austria, Hungaria, Republika Çeke, Sllovakia dhe Sllovenia – u takuan në kryeqytetin hungarez dhe kërkuan që samiti i ardhshëm i BE-së në tetor të vendosë çështjen në rendin e ditës.
Në mbledhjen e fundit të liderëve të BE-së në qershor, Ukrainës, e cila është nën sulm nga Rusia, dhe Moldavisë iu dha statusi i kandidatit për në BE.
Grupi i vendeve C5 u themelua në vitin 2020, fillimisht për të forcuar bashkëpunimin rajonal gjatë pandemisë.
Takimi në Budapest ishte i pari që nga fillimi i agresionit rus kundër Ukrainës./ a.jor.