BRUKSEL, 15 mars /ATSH-ANSA/ – Ndërsa lufta e presidentit Putin kundër popullit ukrainas vazhdon, do të vazhdojë edhe vendosmëria jonë për të mbështetur Ukrainën dhe për të paralizuar financimin e makinerisë së luftës së Kremlinit, deklaroi përfaqësuesi i lartë i BE-së Josep Borrell në komunikatën mbi paketën e katërt të sanksioneve kundër Rusisë.
”Paketa e katërt e sanksioneve është një tjetër goditje për bazën ekonomike dhe logjistike mbi të cilat mbështetet Rusia për të përparuar në pushtimin e Ukrainës. Qëllimi i sanksioneve është që presidenti Putin të ndalë këtë luftë çnjerëzore dhe të pakuptimtë’’, shtoi Borrell./ /os/
