LONDËR, 13 shkurt /ATSH-DPA/ – Gjobat për këdo që punëson ose jep me qira pronë për migrantët e paligjshëm janë rritur ndjeshëm në Mbretërinë e Bashkuar.
Dënimi civil për punësimin e dikujt pa të drejtë për punë në MB është trefishuar nga 15 000 paund në 45 000 (19 000 dollarë në 57 000 dollarë) për punëtor për shkeljen e parë dhe me një gjobë prej 60 000 paund për shkelje të përsëritura.
Pronarët përballen me gjoba në rritje prej 5 000 paund për banues dhe 10 000 paund për banues për shkeljen e parë.
Shkeljet e përsëritura janë rritur nga 500 paund në 10 000 paund për banues në një shtëpi me qira.
Michael Tomlinson, ministër për Luftën Kundër Migracionit të Paligjshëm, tha se ”ne po bëjmë hapa të mëdhenj në punën tonë për të çmontuar modelin e biznesit të kontrabandistëve të këqij të njerëzve”.
”Por, punëdhënësit mashtrues dhe pronarët që me dëshirë lejojnë migrantët e paligjshëm të punojnë për ta dhe të marrin me qira pronat e tyre, minojnë përpjekjet tona. Është një fyerje për njerëzit e ndershëm dhe punëtorë që luajnë sipas rregullave”, shtoi ai.
Shifrat e Home Office tregojnë se më shumë se 6 000 gjoba civile janë lëshuar për punëdhënësit që nga fillimi i vitit 2018, në një total prej 105 milionë paund.
Kjo është rritja e parë e gjobave që nga viti 2014./ a.jor.
