Dita e Verës është një ndër festat më të dashura për shqiptarët dhe ne kemi vendosur t’ju kujtojmë si festohet kjo ditë në krahina të ndryshme.
Festimi kryhet në nderim të natyrës së bukur shqiptare dhe bimësisë që fillon lulëzon pikërisht në datën 14 mars.
Gatimi tradicional që e karakterizon këtë festë është ballokumja, që e kanë specialitet në Elbasan. Ndërsa në zona të tjera të Shqipërisë ndezin edhe zjarre.
Gjithashtu një detaj i kësaj feste është edhe vendosja në dorë e “verores” një byzylyk prej fijesh të bardhë dhe të kuqe që lidhet në kyçin e dorës dhe zgjidhet kur të shihet dallëndyshja e parë. Në disa krahina, veroret varen në degë pemësh, kryesisht dafinash, që dallëndyshet t’i marrin e të sjellin mbarësi.
Gjithashtu mëngjesi i datës 14 duhet t’i gjejë të gjithë të bashkuar në tryezë dhe nuk duhet të mungojë kulaçi me lekë, vezët dhe ëmbëlsirat.
Related
