ÇIKAGO, 19 korrik /ATSH-DPA/- Zyrtarët e shëndetit publik në Çikago raportuan 173 raste të lisë së majmunëve nga 105 javën e kaluar dhe me vaksinat e pakta dhe të vështira për t’u gjetur, alarmi po rritet mes mjekëve dhe komunitetit homoseksual se po bëhen mjaftueshëm perpjekje për të parandaluar përhapjen.
Zyrtarët shëndetësorë kanë bërë thirrje për rritjen jo vetëm te burimeve, si gjurmimi i kontakteve, por edhe ndërgjegjësimin dhe edukimin e publikut. Nje pjese e komunitetit homoseksual mendon se mungesa e shqetësimit publik ndaj virusit është për shkak se ai prek më së shumti homoseksualët, por zyrtarët shëndetësorë kanë paralajmëruar se përhapja e virusit në të gjithë popullatën nuk mund të ndalohet.
“Nëntë qytetarë të Çikagos janë shtruar në spital për shkak të sëmundjes”, tha të hënën zëdhënësi i Departamentit të Shëndetit Publik të Çikagos, Andrew Buchanan.
“Qyteti ka marrë mbi 5,400 doza të vaksinës dhe pret 15,000 doza të tjera në ditët në vijim”, tha ai. Qeveria federale ka urdhëruar miliona doza të vaksinës.
Buchanan tha se përpjekja e qytetit për vaksinim është e përqendruar te personat me rrezikun më të lartë të ekspozimit, i cili përfshin burra homoseksualë, burra biseksualë dhe burra të tjerë që kryejnë marrëdhënie seksuale me partnerë të shumtë.//a.i/
