BERLIN, 14 mars /ATSH-DPA/- Kancelari gjerman, Olaf Scholz do të vizitojë Izraelin dhe Jordaninë këtë fundjavë.
Kjo do të jetë vizita e tij e dytë në Izrael që nga fillimi i luftës në Gaza më 7 tetor.
Raportet e medias izraelite thanë më herët se Scholz do të vizitonte Izraelin të dielën.
Lufta u shkaktua nga sulmi brutal terrorist ndaj Izraelit nga organizata islamike palestineze Hamas më 7 tetor, kur sulmuesit shkaktuan vdekjen e më shumë se 1200 personave në zonën kufitare izraelite dhe rrëmbyen 250 të tjerë në brezin bregdetar.
Sipas autoritetit shëndetësor të drejtuar nga Hamasi, më shumë se 31 300 njerëz janë vrarë në sulmet dhe luftimet izraelite në Rripin e Gazës që atëherë.
Duke pasur parasysh situatën e rëndë humanitare dhe viktimat e shumta civile, shumë vende tani po kritikojnë veprimet e ushtrisë izraelite. //a.i/