Ministria e Punëve të Brendshme njofton se gjatë ditës së sotme, ka realizuar bastistje anti-drogë në Shkup. Si pasojë është arrestuar një person, përcjell TV21.
“Sot (28.03) nëpunësit policor nga SPB Shkup – Njësiti për tregti ilegale me drogë kanë arrestuar A.M.(37) nga Shkupi. Gjatë bastisjes në shtëpinë në Shkup, te A.M. janë gjetur 61 pako dhe një kavanoz me marihuanë. Ai është mbajtur në stacionin policor dhe deri te prokuroria përkatëse është parashtruar kallëzim, pas çfarë nga gjykatësi është shqiptuar 30 ditë paraburgim”, qëndron në njoftim.
