Vizitat mjekësore kaluan, por gatishmëria e lojtarit (kthimi nga dëmtimi) duhet të shtyhet edhe për rreth tre javë: shumë, sipas spanjollëve që donin një zgjidhje të gatshme për përdorim.
Prandaj, sulmuesi do të kthehet në Torino në orët në vijim, përkohësisht në gatishmëri: në këtë pikë ekziston një mundësi konkrete që ai të qëndrojë në “Continassa”, megjithëse nuk mund të përjashtohet që ndonjë klub tjetër të vendosë të shfrytëzojë rastin dhe të kryejë një përforcim “blitz” në mbyllje të merkatos së dimrit.
Ken u ndalua në mes të dhjetorit për shkak të një problemi të vjetër të këmbës që po i shkaktonte disa shqetësime. Në pjesën e parë të sezonit ai gjeti hapësirë të mjaftueshme në rotacionet e sulmit të Juventusit, deri në atë pikë sa luajti gjashtë ndeshje radhazi nga fundi i tetorit deri në nëntor.
Ideja e lojtarit, në kordinim me Juventusin, do të ishte që të shkojë të luajë në formë huazimi deri në fund të sezonit, në mënyrë që të gjejë më shumë hapësirë dhe të ketë më shumë shanse për të qenë pjesë e skuadrës italiane në Kampionatin Evropian. Atletiko Madrid e kërkonte me ngulm, por përballë nevojës për të pritur për tre javë ata nuk donin të rrezikonin.
PANORAMASPORT.AL
