Pas golit të shënuar ndaj Atletico Madrid dy javë më parë, Vedat Muriqi rikthehet të shënojë për Mallorcan në LaLiga. Ai shënoi golin e dytë në sfidën që përfundoi 2-1 në favor të Mallorcas që mori gjithashtu edhe tre pikë shumë të rëndësishme në luftën për mbijetesë.
Ndeshja nisi disi më mirë për Alaves që gjeti edhe rrugën e rrjetës me anë të Lejeune, por sistemi VAR anuloi gjithçka për një prekje të topit me dorë. Mallorca më pas u hodh menjëherë në sulm dhe në minutën e 11-të prishi ekuilibrat duke shënuar golin e parë me anë të Prats.
Kur mendohej se pjesa e parë do të përfundonte me rezultatin 1-0 ishte Vedat Muriqi ai që dyfishoi gjithçka. Sulmuesi shqiptar i Kombëtares së Kosovës realizoi nga një kënd pothuajse i pamundur duke çuar rezultatin në shifrat 2-0.
Edhe në pjesën e dytë Mallorca pati disa shanse shënimi, por Muriqi dhe shokët e tij të ekipit nuk ia dolën dot t’i shfrytëzonin. Ata u “tradhtuan” në minutën e 73-të nga shoku i tyre i ekipit, Raillo që realizoi një gol në portën e vetë duke ngushtuar diferencat në 2-1.
Megjithatë, një gol që vlen vetëm për statistikë pasi Alaves nuk ia doli dot të merrte pikë në këtë takim. Kështu, Mallorca lë zonën e ftohtë dhe ngjitet në kuotën e 32 pikëve, në vendin e 16-të, tre pikë më shumë se zona që të zbret një kategori më poshtë. /oversport.tv
LA LIGA – Java 33
Mallorca – Alaves 2-0
Shënues: Prats 11’, Muriqi 45+4’ / Raillo (autogol ) 73’
Foto: RCD Mallorca, Facebook