Presidenti ukrainas Volodymyr Zelenskyy i ka bërë thirrje Perëndimit që të bien dakord për një masë të fortë ndaj naftës ruse.
Sipas Sky News, në fjalimin e tij të fundit me video, udhëheqësi ukrainas tha se Moska po fitonte aq shumë para nga eksportet e naftës sa nuk kishte nevojë t’i merrte seriozisht bisedimet e paqes dhe i bëri thirrje “botës demokratike” që të shmangë naftën ruse.
Zelenskyy tha gjithashtu se do të vazhdojë të këmbëngulë që bankat ruse të bllokohen plotësisht nga sistemi financiar ndërkombëtar.
“Disa politikanë nuk janë ende në gjendje të vendosin se si të kufizojnë fluksin e petrodollarëve dhe eurove të naftës në Rusi, në mënyrë që të mos rrezikojnë ekonomitë e tyre. Pyetja e vetme është se sa burra ukrainas, sa gra ukrainase, ushtria ruse do të ketë kohë të vrasë në mënyrë që ju, politikanë të caktuar dhe ne e dimë se kush jeni ju, të gjeni një vendosmëri”-tha Zelenskyy.
Rruga Press
