Presidenti ukrainas Volodymyr Zelensky deklaron se Rusia po shfrytëzon mungesën e ndihmës nga Perëndimi.
“Tani ekziston një situatë jashtëzakonisht e vështirë në disa pjesë të vijës së frontit, pikërisht aty ku trupat ruse kanë përqendruar rezervat maksimale”, tha Zelensky në fjalimin e tij video të natës pas një vizite në zonat e vijës së frontit në verilindje të Ukrainës më herët sot.
“Ata po përfitojnë nga vonesat në ndihmën për Ukrainën dhe kjo është një çështje shumë e ndjeshme – mungesa e artilerisë, nevoja për mbrojtje ajrore të vijës së parë dhe për armë me rreze më të gjatë.”
Mesazhi vjen pasi një paketë ndihme ushtarake prej 95 miliardë dollarësh për Ukrainën, Izraelin dhe të tjerët vazhdon të mbahet në SHBA, ku republikanët e linjës së ashpër kërkojnë të frustojnë administratën Biden dhe ta drejtojnë atë financim drejt trajtimit të asaj që ata e shohin si një krizë imigracioni në kufirin jugor të vendit.
Top Channel
