VMRO-DPMNE ka akuzuar partitë në pushtet, se këta të fundit nuk kanë kordinim mes vete në deklaratat e tyre në lidhje me sigurimin e votave në Kuvend për miratimin e ndryshimeve kushtetuese.
“Në deklaratat e pushtetit të BDI-së dhe LSDM-së, ka një kakofoni për çështjen e ndryshimeve kushtetuese. Është rezultat i dëshpërimit dhe nervozizmit të tyre, sepse tentativa e dhunshme në kundërshtim me vullnetin e popullit po godet në mur. Për ta bërë edhe më qesharake, në përpjekjet e tyre për të shpërndarë pupla, ata groposen edhe më shumë. Përkatësisht, Bujar Osmani pohon se për shumicë për ndryshimet kushtetuese u duheshin edhe 8 deputetë dhe harron se kolegët e tij spekuluan se u duheshin edhe 6 deputetë (Grubi, 20 shtator 2022), se i kanë 74 deputetë (Pendarovski, 18 nëntor , 2022) dhe madje dhe se kanë siguruar një shumicë kushtetuese (Bytyqi, 24 maj 2023)”, thonë mes tjerash nga VMRO-DPMNE.
MARKETING
