Masat e Qeverisë, për ngrirjen e çmimeve të produkteve, nuk kanë arritur efektin e parashikuar dhe proklamuar. Kështu vlerësojnë nga Oda Ekonomike e Maqedonisë Veri-Perëndimore. OEMVP konsiderojnë që masat nuk janë adekuate për zvogëlimin e inflacionit andaj duhet të ndërmerren masa alternative.
Oda Ekonomike e Maqedonisë Veri-Perëndimore
“I tillë ishte rasti i ngrirjes së vazhdueshme të çmimeve të dhjetëra produkteve, e cila në fund po dëshmon që kjo masë nuk ka arritur efektin e parashikuar dhe proklamuar. Në bazë të deklaratës së Guvernatores së Bankës Popullore znj. Anita Angelovska Bezhoska, Inflacioni ka arritur në 9.5% që dëshmon për faktin se masa e ndërmarrë nuk ka sjellë efektet e pritura, ndërkaq bizneset e sidomos prodhuesit dhe tregtarët janë dëmtuar, ndërsa nga ana tjetër edhe qytetarët vazhdojnë të ngelen të pambrojtur nga inflacioni”.
Oda ekonomike e Maqedonisë Veri-Perëndimore më tej thotë se si institucion i cili për mision ka mbrojtjen dhe avancimin e bizneseve por edhe ekonomisë në përgjithësi, gjithmonë apelon që masat që ndërmerren nga ana e Qeverisë dhe institucioneve përkatëse të bazohen në analiza dhe me parashikim të detajuar të rreziqeve që mund të sjellin të njëjtat.
Kurse porosisin që në të ardhmen të ndërpriten praktikat e institucioneve për mos konsultimin e odave ekonomike gjatë ndërmarrjes së të njëjtave.
Emine Ismaili /SHENJA/
