Ministri i Shëndetësisë, Fatmir Mexhiti, zëvendës Ministrja e Shëndetësisë, Maja Manoleva dhe ministri i brendshëm, Oliver Spasovski sot në Manastir kanë promovuar helikopterin me pajisje të reja për ndihmë emergjente mjekësore. Mjeti është siguruar përmes bashkëpunimit me policinë sllovene, e cila ka dhuruar pajisje për rikuperimin e një helikopteri, i cili mund të përshtatet për helikopterë të shumtë. I gjithë ndërrimi i pajisjeve zgjat rreth 15 minuta dhe ndërhyrja nga çdo pjesë e vendit mund të kryhet në 40 minuta. Ministri i shëndetësisë tha se po bëhet një hap i rëndësishëm për qytetarët tanë, për mbrojtjen e pacientëve dhe për modernizimin dhe përmirësimin e sistemit shëndetësor.
FATMIR MEXHITI
“Me këtë bashkëpunim mes dy ministrive të Shëndetësisë dhe Punëve të Brendshme, mundësojmë veprimin e përbashkët të pjesëtarëve të njësisë së helikopterëve pranë MPB-së dhe institucioneve shëndetësore, pra përdorimin e helikopterit për transportin e pacientëve. Helikopteri ka pajisje mjekësore për transportin ajror dhe Spitali ‘8 Shtatori’ do të sigurojë një ekip profesional me përvojë për të shoqëruar pacientin. Në këtë mënyrë ne ofrojmë mbrojtje më të mirë si dhe transport më të shpejtë të pacientëve drejt institucioneve shëndetësore”.
Zëvendës ministrja Manoleva, informoi se pajisjet përfshijnë monitorë për monitorimin e parametrave vitalë dhe monitorim invaziv, defibrilator, bojë oksigjeni, aspirator, si dhe ilaçe dhe instrumente të tjera mjekësore.
Maja Manoleva
“Do të sigurohen pajisje shtesë në varësi të diagnozës së pacientëve që do të duhet të transportohen. Përveç pajisjeve mjekësore, në helikopter ka një mjek dhe një infermiere. Transporti është plotësisht falas për pacientin, dhe nevoja për një transport të tillë do të vlerësohet nga drejtori i institucionit nga është kryesisht pacienti, si dhe sipas urgjencës së situatës. Tendenca jonë është që në të ardhmen të krijojmë edhe ‘call center’ të veçantë për koordinim, si dhe të zgjerojmë projektin duke përfshirë më shumë qendra”.
Të dielën në mëngjes u krye një fluturim testues nga Spitali i qytetit “8 Shtatori” – Shkup drejt Spitalit klinik të Manastirit si një nga pikat më të largëta. /SHENJA/
