Si pjesë e celebrimeve të Gostisë së Madhe, kërcimtarë të maskuar “Parachico” kishin dalë në një paradë shumëngjyrëshe në rrugët e Chiapas për falënderimet tradicionale ndaj shenjtorit Santo Antonio, Zoti i Esquipulas dhe San Sebastian.
Kërcimtarët mbanin statuja të shenjtorit që i linin në vendndodhje të ndryshme lutjeje në qytezën e Chiapa de Corzo, në traditën e përfshirë në trashëgiminë botërore të UNESCO prej vitit 2010.
Eventi e ka origjinën në bashkimin e kulturave katolike spanjolle dhe atyre lokale indigjene, shkruan rrjeti AFP.
Festivali i Chiapa de Corzo zhvillohet zakonisht në gjysmën e dytë të janarit dhe njihet për maskat e drunjta karakteristike “montera”, me pamjen e flokëve të spanjollëve gjatë kohës së kolonizimit.
Të veshur kështu ata kërcejnë në rrugë nën tingujt e daulleve dhe të flautit lokal të quajtur “pito”.
“Ne kërcejmë sepse është e rëndësishme të shërohet shpirti, trupi dhe jeta. Kjo i përshtatet devotshmërisë ndaj shenjtorëve dhe Zotit që ata të na shpëtojnë”, tha më herët një nga organizatorët e vjetër Guadalupe Rubisel Gomez.
Ai shtonte se kërcimi zhvillohet prej gati tre shekujsh në nder të Jezusit, të njohur ndryshe si Zoti i Esquipulas dhe dy shenjtorëve Antoni Abad e Saint Sebastian.
Top Channel
