ROMË, 3 prill /ATSH-ANSA/ – Trupat ruse duan të marrin Donbasin dhe jugun e Ukrainës dhe ne jemi të vetëdijshëm se armiku ka rezerva për të rritur presionin në lindje, deklaroi presidenti ukrainas, Volodymyr Zelensky.
”Cili është qëllimi ynë? Mbrojmë lirinë, tokën dhe popullin tonë”, theksoi ai në një fjalim video.
“Ne po forcojmë mbrojtjen në zonën lindore dhe në Donbas. Ne duhet të lavdërojmë guximin dhe qëndrueshmërinë e atyre që mbrojnë qytetet, por gjithashtu të themi se vendi ynë nuk ka marrë mjaftueshëm sisteme moderne antiraketë nga aleatët perëndimorë”, tha ai./ a.jor.
