STAMBOLL, 16 prill /ATSH-ANSA/- Presidenti turk Recep Tayyip Erdogan ka akuzuar kryeministrin izraelit Benyamin Netanyahu si “përgjegjës” për sulmin e Iranit ndaj Izraelit.
“Një luftë rajonale nuk duket larg realitetit, zhvillimet e fundit e tregojnë këtë”, tha presidenti turk, duke iu referuar tensioneve midis Iranit dhe Izraelit, gjatë një fjalimi para kombit pas një takimi të kabinetit.
“Personi i parë që duhet dënuar është kryeministri izraelit Benjamin Netanyahu”, tha Erdogan, duke folur për standarde të dyfishta nga Perëndimi.
“Nëse shtypja nuk përfundon në Gaza, i gjithë rajoni do të ekspozohet ndaj konfliktit”, tha kreu i shtetit turk, duke ftuar “botën islame” të ngrejë zërin. //a.i/.
