Thomas Tuchel i mbijetoi ndeshjes së dytë të raundit të fazës së eliminimit të Ligës së Kampionëve, pasi Bayern fitoi 3:0 në shtëpi ndaj Lazios.
Por nuk mund të thuhet e njëjta gjë për gishtin e madh të këmbës së djathtë. Pas ndeshjes, duke çaluar para shtypit, ai zbuloi: “Para ndeshjes, i mbajta ekipit një fjalim motivues në dhomën e zhveshjes dhe gjatë tij godita një kuti. Më dhimbte tmerrësisht dhe shpejt e kuptova pse. E theva gishtin e madh të këmbës. Nuk gjeta guximin të hiqja këpucët”.
Thomas Tuchel limping on the way out of the stadium [🎥 @StefanKumberger]
pic.twitter.com/Vpf9dawcVI— Bayern & Germany (@iMiaSanMia) March 5, 2024
Kjo u vu re nga të gjithë ata që e ndoqën ndeshjen, si në stadium ashtu edhe në televizion. Tuchel njihet si një trajner me temperament, i cili i përjeton me nervozizëm ngjarjet në fushë. Kjo është arsyeja pse gjatë ndeshjes ai është vazhdimisht në këmbë, duke ecur ose duke vrapuar. Kësaj radhe ka munguar sjellja e tij e zakonshme gjatë ndeshjes dhe kjo ka qenë e dyshimtë. Duke çaluar, ai zbuloi arsyen pas ndeshjes.
Herbert Heiner, presidenti i bordit mbikëqyrës të Bayernit, komentoi për dëmtimin e çuditshëm të Tuchel: “Unë jam gjithmonë në favor që një trajner të thyejë gishtin e madh dhe jo lojtari”.
/GazetaBlic Sport
