Një javë pas vdekjes, trupi i Alexei Navalny i është kthyer nënës së tij.
Lajmin e ka bërë me dije zëdhënësi i Navalny, i cili falenderoi gjithë ata që kërkuan që trupi i pajetë i liderit opozitar rus t’i kthehej familjes.
Nëna e Navalndy deklaroi dy ditë më parë se asaj i ishte kërkuar të pranonte një varrim “të fshehtë”, përndryshe ai do të varrosej në koloninë e burgut ku vdiq.
Në një postim në X, zëdhënësja e Navalny, Kira Yarmysh tha se funerali nuk është bërë ende.
“Ne nuk e dimë nëse autoritetet do të ndërhyjnë që ajo të kryhet ashtu siç dëshiron familja dhe siç e meriton Alexei.”
E veja e Navalny, Yulia, akuzoi Vladimir Putinin se e mbante “peng” trupin e burrit të saj të ndjerë dhe kërkoi lirimin e tij pa kushte. Ajo akuzoi sërish presidentin rus se qëndron pas vdekjes së bashkëshortit të saj.
Kremlini i ka mohuar akuzat, duke e quajtur reagimin perëndimor ndaj vdekjes “histerike”. Navalny vdiq më 16 shkurt në një burg rus brenda Rrethit Arktik.
Top Channel
