Ministri izraelit i Komunikimeve Shlomo Karhi i propozoi qeverisë që Haaretz të dënohej për “përhapjen e propagandës disfatiste dhe të rreme dhe nxitjes kundër shtetit gjatë luftës së Izraelit në Rripin e Gazës”, sipas gazetës Maariv.
Ndryshe nga gazetat dhe mediat e tjera izraelite, Haaretz i krahut të majtë zakonisht kritikon praktikat e ushtrisë izraelite dhe mban qëndrim kundër pushtimit, duke mbështetur paqen me palestinezët.
Disa ditë më parë, Haaretz – duke raportuar një hetim nga policia izraelite – njoftoi se më 7 tetor, një helikopter izraelit bombardoi palestinezët dhe izraelitë në vendbanimin Raim në Rripin e Gazës, gjë që shpjegon numrin e madh të izraelitëve të vrarë në operacionin “Aqsa Flood”.
Por kjo e vërtetë e nxjerr në pah bie ndesh me narrativën izraelite, sipas së cilës luftëtarët e Hamasit ishin ata që synonin civilët.
Nga zyra e Shlom Karhit mësohet se ai i ka propozuar qeverisë pezullimin e publikimit të reklamave në Haaretz dhe pezullimin e abonimeve në këtë gazetë.
Ky propozim është për shkak të “përhapjes së vazhdueshme të propagandës disfatiste dhe të rreme dhe nxitjes kundër Shtetit të Izraelit gjatë luftës”.
Ai shpjegoi se “i paraqiti qeverisë një propozim për të marrë një vendim për të ndaluar financimin e gazetës Haaretz, që nënkupton pezullimin e reklamave dhe abonimeve për të gjithë përdoruesit e shtetit – ushtrinë izraelite, policinë, Shin Bet, ministritë dhe çdo kompani shtetërore”.
Karhi thekson se gazeta “merr një linjë sulmuese që minon qëllimet e luftës dhe pakëson përpjekjet e ushtrisë dhe stabilitetin tonë në shoqëri”.
“Shkurtimi i financimit të Haaretz nga organizatat qeveritare do të zvogëlojë dëmin e madh që po u shkakton izraelitëve, jo vetëm për shkak të lajmeve në gazetë, por edhe sepse ata janë të detyruar të paguajnë për këtë me paratë e taksave,” tha Kahri.
Ministri izraelit e konsideron gazetën “zëdhënësin e armiqve të Izraelit”, duke e akuzuar atë për “propagandë në shërbim të armikut dhe prezantim të narrativës së armiqve tanë, justifikim të armikut, gënjeshtra dhe terminologji antisioniste”.
Haaretz nuk i komentoi akuzat e Karhit dhe është e paqartë nëse qeveria izraelite do ta miratojë propozimin e tij. /tesheshi.com/
