Nuk kanë fund problemet për Napolin dhe presidentin Aurelio De Laurentiis. Guardia di Finanza ka nisur një hetim për presidentin e Napolit, për sa i përket marrëveshjes për Victor Osimhen.
Prokuroria publike e Napolit, me në krye prokurorin Francesco De Falco kanë nisur hetimet pasi kanë vënë re parregullsi në këtë tratativë. Guardia di Finanza kreu kontrolle në selinë e Napolit dhe në disa vende të tjera për të gjetur parregullsitë e pretenduara në akuzën e tyre.
Në këto hetime janë të përfshirë gjithashtu gruaja e De Laurentiis, Jacqueline Baudit, djali Edoardo dhe vajza e tij Valentina. Një tjetër hetim ky për këtë çështje pasi më parë prokuroria hetoi për plusvalencat, por gjithçka u hodh posht nga gjykata. /oversport.tv
Foto: SSC Napoli, Facebook
