Do të luhen sot dy ndeshje të javës së tretë të Abissnet Superiore që do të transmetohen live dhe ekskluzivisht në kanalet Oversport të platformës Tibo.
Në orën 15:00 në stadiumin “Niko Dovana” do të luhet derbi mes Erzenit dhe Teutës. Shijakasit kanë nisur mjaft mirë sezonin e ri, duke grumbulluar 4 pikë në 2 javët e para të kampionatit. Nuk vlen e njëjta gjë për Teutën, që ka zhgënjyer në këto javë, duke grumbulluar vetëm një pikë.
Në po të njëjtën orë (15:00) do të luhet edhe sfida Kukësi-Kastrioti. Të dyja skuadrat kërkojnë suksesin e parë sezonal në kampionat, pasi kanë marrë vetëm një pikë deri më tani në Abissnet Superiore. / Oversport.tv