MADRID, 15 gusht /ATSH-DPA/ – Rreth 1 500 persona në disa qytete në verilindje të Spanjës u është dashur të largohen nga shtëpitë e tyre për shkak të një zjarri pyjor jashtë kontrollit.
”Flakët në rajonin përreth qytetit të Anon de Moncayo, rreth 70 kilometra në perëndim të qytetit të Zaragozës, u shtuan pas erërave të forta”, tha një zjarrfikës për stacionin televiziv shtetëror spanjoll RTVE.
Një drejtim vazhdimisht i zhvendosur i erës po e bën gjithashtu të vështirë kontrollin e zjarrit.
Rreth 300 zjarrfikës profesionistë po ndihmojnë banorët të shuajnë flakët.
Viti 2022 është viti më shkatërrues për zjarret në pyje në Spanjë që nga fillimi i regjistrimeve.
”Që nga fillimi i vitit, më shumë se 260 000 hektarë janë shkatërruar tashmë në pothuajse 388 zjarre”, sipas matjeve të marra nga sistemi evropian i vëzhgimit të Tokës ”Copernicus”./ a.jor.
