Ngjarja dyshohet se ka ndodhur në Gjermani, në momentin kur motra ishte duke u përshëndetur me vëllëzërit e saj.
Familja Nimanaj nga Skenderaj ka hapur
dyert për ngushëllime gjatë së dielës për familjarin e tyre B.N.
Viktima që jetonte në Landshut të
Gjermanisë raportohet se vdiq pasi u godit me thikë nga dhëndëri A.J.
Dyshohet se deri tek kjo ngjarje tragjike
erdhi si rezultat i mosmarrëveshjeve të momentit në mes dy palëve.
Ngjarja kishte ndodhur në Mainburg tek
shtëpia e të dyshuarit A.H.
Sipas burimeve të T7 dy vëllezërit kishin
shkuar për ta takuar motrën, derisa akti kishte ndodhur kur familjarët ishin
duke u përshëndetur para shtëpisë saktësisht tek garazhi.
Në ato momente dhëndëri goditi për vdekje
vëllain e bashkëshortes.
Tutje, duke ju referuar të njëjta burimeve,
thuhet se mes dy palëve nuk ka pasur më herët mospajtime të tipit: borxhe apo
çështje të tjera.
Megjithatë është bërë e ditur se kohëve të
fundit, i dyshuari A.J nuk ishte mirë në aspektin mendor.
Trupi i viktimës pritet të sillet në Kosovë
të mërkurën ose të enjten derisa tashmë i ndjeri pas vetës ka lënë dy fëmijë
dhe gruan.
