Një avion i vogël privat u rrëzua këtë pasdite në një ndërtesë të zbrazët në periferi të Milanos, duke vrarë të tetë personat në të, tha policia.
Aeroplani, i cili u ngrit nga Aeroporti Linate i Milanos, po fluturonte drejt ishullit të Sardenjës, thanë zyrtarët.
Aksidenti ndodhi para një stacioni të metrosë periferike.
Njerëzit në zonë dëgjuan një shpërthim kur avioni u përplas me një ndërtesë dykatëshe, e cila ishte bosh në atë kohë sepse ishte duke u rinovuar.
Flakët dhe tymi u panë në vendngjarje dhe disa automjete të parkuara u përfshinë në flakë, thanë dëshmitarët, por nuk kishte raportime për viktima të tjera.
Piloti ishte 30-vjeçari Dan Petresku, një rumun me nënshtetësi gjermane. Ndër pasagjerët që vdiqën ishte një shtetas francez 65-vjeç i lindur në Rumani, shkruan Corriere della Sera. Mes të vdekurve ishte edhe një djalë.
Në vendngjarje ishin 118 zjarrfikës dhe policë.
Piloti u kthye për një arsye të panjohur
Me sa dihet, avioni u ngrit vetëm 11 minuta para se të rrëzohej. Corriere shkruan se papritmas në vend që të vazhdonte në jug, ai u kthye drejt San Donat ku u rrëzua.
Sipas informacioneve të njohura deri më tani, asnjë thirrje për ndihmë nuk është dërguar nga avioni. /tesheshi.com/
