Shqipëria ka shënuar golin e parë në përballjen me Moldavinë, duke u afruar kështu drejt kualifikimit në Euro 2024.
Goli u shënua nga Cikalleshi në minutën e 24, pas një penalltie të fituar nga Seferi, i cili u godit brenda zonës nga mbrojtësi moldav.
Shqipëria luan në transfertën e Kishinievit ndaj vendasve të Moldavisë në kuadër të kualifikuese për Euro 2024. Kuqezinjtë e trajnerit Sylvinho janë shumë pranë sigurimit të biletës për në Europianin e Gjermanisë, teksa kryesojnë Grupin E dhe iu mjafton një pikë për të siguruar matematikisht kualifikimin.
Sa i takon formacionit, në portë po qëndron titullari Etrit Berisha, në qendër Ismajli me Gjimshitin ndërsa në krah Hysaj dhe Mitaj, në mesfushë, Asllani me Ramadanin, teksa disi më i avancuar është Bajrami, në krahët e sulmit Seferi me Asanin dhe në qendër Cikalleshi.
Formacioni zyrtar:
Atmosfera në stadium ndjehet sikur Shqipëria luan në shtëpi, me tifozët që janë tejet entuziastë teksa kanë pritur kuqezinjtë me ovacione.
Nga ‘fan zona’ në Moldavi, tifozëria shqiptare krahas thirrjeve “Oh sa mirë me ken shqiptar, o hej, o hej”, nuk ka kursyer as batutat apo ngacmimet ndaj Moldavisë, duke thirrur “O moldave, o hiç fare”.
Përballja e sotme Moldavi- Shqipëri shënon një “finale” të parakohshme për kuqezinjtë, të cilët nëse fitojnë kualifikohen zyrtarisht për Euro2024, duke siguruar një biletë për në Berlin.
Top Channel
