Liga e Europës ka hedhur sot në orën 13:00 shortin e fazës 1/16-ave në Nion të Zvicrës, ku nuk mungojnë duelet interesante.
Sfida që spikat është ajo mes Fejnordit dhe Romës, të cilat përsërisin sërish finalen e Ligës së Konferencës së 2022-shit në Tiranë, teksa holandezët kësaj radhe do të kërkojnë hakmarrje, gjë që nuk e arritën dot as një vit më parë në po këtë kompeticion në çerekfinale.
Milani ka gjetur francezët e Stad Ren, një duel i fortë për kuqezinjtë e Piolit.
Fati nuk i ka buzëqeshur shumë Karabagut të Redon Xhixhës dhe Spartës së Qazim Laçit. Skuadra azere do të ketë përballë Bragën, ndërsa çekët do të masin forcat me Gallatasarajin.
Sfidat e tjera janë: Shahtjor-Marsejë, Lens-Fraiburg, Benfika-Tuluzë dhe Jang Bojs-Sporting.
SHORTI:
SHAHTJOR – MARSEJË
GALLATASARAJI – SPARTA PRAHA
BRAGA – KARABAG
BENFIKA – TULUZ
JANG BOJS – SPORTING
LENS – FRAIBURG
MILAN – STAD REN
FEJNORD – ROMA
PANORAMASPORT.AL
