MOSKË, 20 shkurt /ATSH-ANSA/ – Rusia nuk ka vendosur dhe nuk planifikon të nisim armë bërthamore në hapësirë, deklaroi ministri i Mbrojtjes Serghei Shoigu.
Një alarm për aftësitë e reja ushtarake të Moskës në hapësirë u ngrit ditët e fundit nga Shtetet e Bashkuara të Amerikës.
Rusia dhe Shtetet e Bashkuara janë dukshëm fuqitë më të mëdha bërthamore: arsenali i tyre së bashku përbën rreth 90 për qind të armëve bërthamore të të gjithë botës, dhe që të dyja kanë satelitë të avancuar ushtarakë që sillen në orbitë rreth Tokës.
Në vitet e para të Luftës së Ftohtë, pasi Rusia priu në garën e hapësirës dhe të dyja palët zhvilluan raketa balistike interkontinentale, Perëndimi propozoi një traktat për t’i bërë të jashtëligjshme armët bërthamore në hapësirë.
Më 1967 u arrit Traktati i Hapësirë, i cili e ndalon vendosjen e çfarëdo arme të shkatërrimit në masë brenda orbitës, apo në hapësirë. /os/
