Rikthimi në Superiore për Dinamon ishte një dështim total. Ekipi kryeqytetas zhvilloi një sezon të dobët dhe vitin tjetër do të rikthehet sërish në Kategorinë e Parë. Ndërkohë që nga klubi pritet të ketë edhe shumë largime pasi një pjesë e mirë e futbollistëve pritet të mos pranojnë të luajnë në Kategorinë e Parë.
Vetë trajneri Rodolfo Vanoli mund t’i ketë komunikuar drejtuesve edhe lojtarët që nuk bëjnë më pjesë e planeve të tij. Kështu, Sofranac dhe Denison pritet të largohen dhe nuk do të bëjnë më pjesë e ekipit për sezonin e ardhshëm. Ndërkohë që ka dhe nga ata që duan të largohen vetë.
Kapiteni Ibrahimi mund të mos pranojë të luajë në Kategorinë e Parë sezonin tjetër. Të njëjtin mendim duket se ndajnë edhe Demiri, Siljanovski apo Lilaj. Problemi i vetëm mesa duket është kontrata dhe lojtarët duhet të diskutojnë me klubin për të gjetur një zgjidhje që do të linte të gjitha palët të kënaqura. /oversport.tv
