Në Shkup sot dhe nesër do të ketë regjim të posaçëm të komunikacionit për shkak të takimit të liderëve në Procesin Bërdo – Brioni, kumtoi MPB.
“Gjatë këtyre dy ditëve për vizitë zyrtare në Republikën e Maqedonisë së Veriut do të ndodhen një numër i madh i delegacioneve të huaja dhe për ato shkaqe komunikacioni nëpër rrugët e qytetit dhe rajonit më të gjerë qendror të Shkupit do të zhvillohet nën kushte të regjimit të posaçëm të trafikut”, theksojnë nga Ministria.
MPB u bën thirrje qytetarëve t’i respektojnë urdhrat që i japin nëpunësit policorë në rrugët e përfshira me regjimin e posaçëm të trafikut.
